პარლამენტში სხდომა ხმაურის ფონზე მიმდინარეობდა. "ერთიანი ნაციონალური მოძრაობის" წევრმა სალომე სამადაშვილმა მმართველი გუნდის წევრებს მიმართა და ზუგდიდში განვითარებული მოვლენებთან დაკავშირებით, დამნაშავე პირების დასჯა მოითხოვა.

"ქართული ოცნების" წევრის თამარ ჩუგოშვილის თქმით, კი წინასაარჩევნო პროცესი მშვიდ ვითარებაში მიმდინარეობს.

"ქალბატონო თამარ, ჩართეთ ახალი ამბები, თუ შეიძლება და უყურეთ, რა ხდება ზუგდიდში. იყო თავდასხმის მცდელობა ჩვენს კანდიდატზე, ქალბატონ სანდრა რულოვსზე, განხორციელდა თავდასხმა ჩვენი პოლიტსაბჭოს წევრზე, ბატონ ზაალ სამადაშვილზე და განხორციელდა თავდასხმა თბილისის საკრებულოს წევრზე, ბატონ ნიკა ვაჩეიშვილზე. ასევე, ნაცემია და თავდასხმის მსხვერპლია ტელეკომპანია „ოდიშის“ ფოტოგრაფი, გადამღები და ჟურნალისტი. მაინტერესებს, ეს არის თქვენი აზრით, ცივილიზებული, ნორმალური, დემოკრატიული ქვეყნის საარჩევნო გარემო? მინდა, მივმართო ამომრჩევლებს, აიღეთ ის საჩუქრები, რომელსაც დღეს მათხოვრებივით გიგდებთ ბიძინა ივანიშვილი არჩევნების წინ, მაგრამ ხმა „ქართულ ოცნებას“ აღარასოდეს აღარ მისცეთ" - მიმართა სამადაშვილმა თამარ ჩუგოშვილს.