ზუგდიდში გაერთიანებული ოპოზიციის მერობის კადნდიდატს სანდრა რულოვსსა და მის მხარდამჭერებს, ასევე ჟურნალისტებსა და ოპერატორებს დღეს სუს-ის მიერ მიგზავნილი პროვოკატორები დადიენბის სასახლეში გადაცემის ჩაწერისას თავს დაესხნენ, მოგვიანებით კი გავრცელდა ფარული ვიდეო ჩანაწერი, სადაც „ქართული ოცნების“ წარმომადგენელი აცხადებს, რომ მან მიიღო დავალება, გამოიყენონ ყველანაირი მეთოდი არჩევნებში გასამარჯვებლად.

სწორედ აღნიშნულ საკითხზე გააკეთა კომენტარი გაერთიანებული ოპოზიციის „ძალა ერთობაშიას“ წევრმა სალომე სამადაშვილმა პარლამენტში:

„მე მინდა მივმართო ქალბატონ თამარ ჩუგოშვილს, რომელიც დაწერილ ტექსტს გვიკითხავდა, ქალბატონო თამარ ჩართეთ ახალი ამბები და უყურეთ რა ხდება ზუგდიდში, იყო თავდასხმის მცდელობა სანდრა რულოვსზე, განხორცეილდა თავდასხმა ზაალ სამადაშვილზე და ნიკა ვაჩეიშვილზე, თავდასხმის მსხვერპლია ოდიშის ჟურნალისტი და ოპერატორი, ეს არის ცივილიზებული, დემოკრატიული ქვეყნის საარჩევნო გარემო? მე და ბატონი რომანიც გავხდით თავდასხმის ობიექტი ორი დღის წინ, ქართული ოცნების ხელწერა არის მარტივი, აგზავნით პროვოკატორებს, გვესხმიან თავს შემდეგ ველოდებით პოლიციას, რომელიც არ მოდის, ველოდებით პოლიტიზირებულ პოლიციას, რომელსაც ქართული ოცნება პოლიტიკური დაკვეთების შესრულებისთვის იყენებს, რა ხდება იმ ქალაქებში და სოფლებში, სადაც თქვენ გყავთ დამახსოვრებული ამომრჩეველი, გადაწყვიტეთ რომ ისინი საბითუმო ფასად იყიდოთ, საბიუჯეტო სახსრებს კარგად ხარჯავთ საკუთარი პოლიტიკური ძალის შენარჩუნების მიზნით, დღეს თქვენ ფიქრობთ რომ 150 ლარად იყიდით ქართველ ხალხს? საქართველო გაცილებით ძვირი ღირს და დახარჯეთ ფული, მივმართავ ამომრჩეველს აიღეთ ფული, რომელსაც მათხოვრებივით გიგდებთ ბიძინა ივანიშვილი, მაგრამ ხმა ქართულ ოცნებას აღარ მისცეთ, რადგან ეკონომიკის ჩამოშლა მალე ისეთ მასშტაბს მაიღწევს, რომ გადმოსაგდებიც არაფერი ექნება ქართულ ბიუჯეტს“, - განაცხადა სალომე სამადაშვილმა.