ზუგდიდში სახელმწიფო უსაფრთხოების სამსახურის მიერ მიგზავნილმა პროვოკატორებმა, გაერთიანებული ოპოზიციის - „ძალა ერთობაშიას“ მერობის კანდიდატის სანდრა რულოვსის თანმხლებ პირებს ფიზიკური და სიტყვიერი შეურაცხყოფა მიაყენეს.

შემთხვევა ტელეკომპანია „ოდიშის“ გადაცემა „ლუსტრაციის“ ჩაწერისას მოხდა. ადგილზე მისულმა სუს-ის პროვოკატორებმა შეურაცხყოფა ჟურნალისტებსა და ოპერატორებს მიაყენეს და გადაცემის ჩაწერის ჩაშლა სცადეს.

ზაალ სამადაშვილის განცხადებით, აღნიშნული ჯგუფი რეგულარულად ცდილობს პროვოკაციების მოწყობას. ისინი მონაწილეობდნენ რამდენიმე დღის წინ სოფელ რიყეში მომხდარ პროვოკაციაში:

„არა ერთხელ მქონდა ნანახი, ოლიგარქის მიერ არჩევნებად წოდებული პროცესის სახე, დღეს გავხდი უშუალო შემსწრე იმ ამაზრზენი სისაძაგლისა, რაც ჩაიდინეს დაქირავებულმა ადამიანებმა, როცა ქალბატონ სანდრა რულოვსის გადაღებაზე მოცვივდნენ, გადაღება იყო დადიანების სასახლის პარკში,ასადაც ქალბატონ სანდრასა და ნიკა ვაჩეიშვილს უნდა ესაუბრათ ამ სასახლეების მომავალზე, ელოდნენ გადამღებ ჯგუფს. ამ დროს შეიმოიჭრა ხუთი თუ ექვსის ამარცხვინო ადამიანი, რომლებმაც ხელების ქნევით დედის გინებით შეეცადნენ ჩვენს წყობიდან გამოყვანას. ქალბატონი სანდრას გარდა კიდევ სხვა ქალებიც გვახლდნენ, ნიკა ვაჩეიშვილის მეუღლე, ჟურნალისტები, მათძეც კი იწევდნენ, მე ადამიანის ასეთი დაცემა, ზიზღი, სიძულვილი არ მინახავას. ასეთ ამაზრზენ შემთხვევას არ შევსწრებივარ, ამ ადამიანების მიერ ზუგდიდში მოწყობილი პირველი პროვოკაცია არ არის, ისინი მესამედ ახორციელებენ ამას, ეს არის ის, რასაც ოლიგარქი და მისი ხელის ბიჭები უწოდებენ არჩევნებს“, - განაცხადა ზაალ სამადაშვილმა.