საპარლამენტო უმრავლესობაში გამორიცხავენ, რომ სამეგრელოში ხელისუფლება ამომრჩევლის მოსყიდვას ცდილობს. პარლამენტის ვიცე-სპიკერის, გია ვოლსკის თქმით, ფულის მასიური დარიგების ფაქტი არ შეიძლება დაიმალოს.

„საერთოდ ფულის დარიგება, მით უმეტეს მასიური დარიგება არ იმალება და ძალიან დიდი ფანტაზიის უნარი უნდა გქონდეს, ანდა სერიოზულ გეგმებს უკავშირდება ის, რასაც ახლა "ნაციონალური მოძრაობა" ამბობს. ფაქტია, რომ სანდრა რულოვსს ნაკლები შანსი აქვს და რასაკვირველია ამას უნდა მოჰყვეს გარკვეული პროტესტი და არა აღიარება იმისა, რომ მათმა კანდიდატმა წააგო. დრამატიზება არ მომწონს მაგრამ მე ვფიქრობ, ჩვენს კანდიდატს კარგად იცნობენ ანალიზიც სიღრმისეული კეთდება საზოგადოების მხრიდან. ვფიქრობ,რომ პირველივე ტურში იქნება გამარჯვება,“- აცხადებს გია ვოლსკი.