სახალხო დამცველმა, ნინო ლომჯარიამ მალხაზ მაჩალიკაშვილის საქმესთან დაკავშირებით, ჟურნალისტებთან კომენტარი გააკეთა.

ლომჯარიას თქმით, გამოძიებამ კითხვებს პასუხი უნდა გასცეს.

„თუ მალხაზ მაჩალიკაშვილს ან მის ადვოკატს რამე საჩივარი ან წუხილი ექნება, რომ მათ მიმართ დაირღვა უფლებები თუნდაც მოსმენის მართებულობასთან დაკავშირებით ან გამოძიების პროცესში, მზად ვართ, ჩავერთოთ, თუმცა ამ ეტაპზე, ეს პროცესები არის გამოძიების პრეროგატივა. დავამატებ იმას, რომ ველოდებით პროკურატურის მიერ თემირლან მაჩალიკაშვილის გარდაცვალების ფაქტის გარემოებების შესახებ საბოლოო დასკვნას, გამოძიების დასრულებას, რადგან რეალურად ყველაფრის, ამ ვნებათაღელვის მიზეზი არის, რომ საკმაოდ გაიწელა გამოძიება" - აღნიშნა ომბუდსმენმა.