პანკისის ხეობაში ჩატარებული სპეცოპერაციისას მოკლული 19 წლის თემირლან მაჩალიკაშვილის მამა მალხაზ მაჩალიკაშვილი გვიან ღამით სამედიცინო დაწესებულებაში გადაიყვანეს.

მაჩალიკაშვილი პარლამენტის წინ გაშლილ კარავში ყოფნისას გახდა შეუძლოდ.

ადგილზე სასწრაფო დახმარების ბრიგადა გამოიძახეს, რომელმაც მას პირველადი დახმარება აღმოუჩინა, თუმცა, მოგვიანებით მისი გადაყვანა საავადმყოფოში გახდა საჭირო.

მალხაზ მაჩალიკაშვილს ინგოროყვა სსახელობის კლინიკაში შესაბამისი გამოკვლევები ჩაუტარეს. ექიმის განცხადებით მას დაბალი წნევა ჰქონდა და ზოგად სისუსტეს უჩიოდა.

მაჩალიკაშვილმა საავადმყოფო რამდენიმე საათში დატოვა. ის კვლავ რუსთაველის გამზირზე, პარლამენტთან კარავში დაბრუნდა.