ზუგდიდის საკრებულოს წევრმა დაზმირ ( ელგუჯა) ძიმცეიშვილმა სოფელ რიყის საძოვრები მიითვისა, ამის შესახებ გაერთიანებული ოპოზიციის მერობის კანდიდატს ადგილობრივმა მოსახლეობამ განუცხადა და აღნიშნეს, რომ სოფელი საძოვრების გარეშეა დარჩენილი,. სანდრა რულოვსს, რომელიც სოფელში კარდაკარ შეხვედრებს ატარებდა, გზად სწორედ დაზმირ ( ელგუჯა) ძიმცეიშვილი შეხვდა, მერობის კანდიდატმა მოსახლეობის პრობლემასთან დაკავშირებით მისთვის შეკითხვის დასმა პირადად გადაწყვიტა.

„დღეს სოფელ რიყეში ვიყავით კარდაკარ შეხვედრებზე. ადგილობრივი მოსახლეობა გამოთქვამს წუხილს იმის გამო, რომ სოფელი საძოვრების გარეშე დარჩა, რადგან სოფლის საძოვრები ზუგდიდის საკრებულოს წევრმა დაზმირ ( ელგუჯა) ძიმცეიშვილმა მიითვისა. ეს პიროვნება სრულიად შემთხვევით ვნახეთ სოფელ რიყის ცენტრალურ გზაზე. გადავწყვიტე, მივსულიყავი და მოსახლეობის წუხილთან დაკავშირებით მისთვის შეკითხვები დამესვა.“- წერს სანდრა რულოვსი.