"მე ვარ შვილმკვდარი მამა და ბოლომდე ვიძიებ შურს ჩემი შვილის მკვლელებზე"

"მე ვარ შვილმკვდარი მამა და ბოლომდე ვიძიებ შურს ჩემი შვილის მკვლელებზე" - სააკაშვილი მის მიერ დაწყებულ პროექტებზე

პოლიტიკა - 17:20, 13 May, 2019

1397

საქართველოს მესამე პრეზიდენტმა მიხეილ სააკაშვილმა მიუნხენში ემიგრანტებთან გამართულ შეხვედრაზე მის მიერ დაწყებულ პროექტებზე ისაუბრა, რომელიც „ოცნების“ ხელისუფლებამ შეაჩერა და განაცხადა, რომ ეს პროექტები მისი „შვილები“ იყვნენ, რომლებიც ივანიშვილმა მოკლა:

„მე მყავს ორი შვილი და ძალიან კარგად ვიცი რას ნიშნავს შვილის სიყვარული. მაგრამ ჩემი შვილები არიან ასევე ქუთაისი პარლამენტი, რომელიც მოკლეს და გაანადგურეს, ჩემი შვილი იყო ამერიკული ტექნოლოგიური უნივერსიტეტი ბათუმში, რომელიც ამ ოროსანმა და ავადმყოფმა გაანადგურა ძალიან შეგნებულად და გააბანძა იდეა. ჩემი შვილი იყო ქართული ჯანდაცვის სისტემა, რომელიც გაანადგურეს, ჩემი შვილი იყო შეიარაღებული ძალები, რომელიც პრაქტიკულად გაანადგურეს, ჩემი შვილი იყო ქართული სამხედრო წარმოება რომელიც მომიკლეს. მე ვარ ნამდვილად შვილმკვდარი მამა, შეიძლება ზოგიერთი გააჩერო, მაგრამ როგორც მაჩალიკაშვილი ვერ გააჩერეს , მეც ვერ გამაჩერებენ და ნამდვილად ბოლომდე ვიძიებ შურს ჩემი შვილის მკვლელებზე. ”- განაცხადა მიხეილ სააკაშვილმა