ხელისუფლების მიერ დაქირავებული ლობისტები და ოპოზიციის შავი პიარის მცდელობა - გაერთიანებული ოპოზიციის ერთ-ერთი ლიდერის, სალომე სამადაშვილის განცხადებით, ნაცვლად იმისა, რომ ხელისუფლების დაქირავებული ლობისტები სახელმწიფო ინტერესების დაცვაზე მუშაობდნენ, ბიძინა ივანიშვილის პირად ინტერესებს ლობირებენ.

„ეს უზარმაზარი ფონდები, რომელიც იხარჯება სწორედ ლობისტურ საქმიანობაზე, არის მიმართული ბიძინა ივანიშვილის პირადი ინტერესების ლობირებისთვის და არაფერი აქვს საერთო ჩვენი სახელმწიფოს ინტერესებთან. პირიქით, საქართველოს სახელმწიფო ინტერესებში არის ქართველი პოლიტიკოსი აირჩიონ მაღალი რანგის პოსტზე საერთაშორისო ორგანიზაციაში, ამ შემთხვევაში პირდაპირ ლობირებს სახელმწიფო სწორედ ამ მიზნის საწინააღმდეგო ამოცანას. რეალურად მსგავსი ფონდები უნდა იხარჯებოდეს, მაგალითად, ევროკავშირში ან ნატოში გაწევრიანების სწრაფად უზრუნველყოფისთვის, ან ქვეყანაში ინვესტიციის მოზიდვისთვის, რომ შეიქმნას სამუშაო ადგილები, ამ შემთხვევაში, ეს ფონდები მთლიანად იხარჯება ერთადერთ რამეზე - ბიძინა ივანიშვილის პირად იმიჯზე,“-აცხადებს სამადაშვილი.