"ძალიან სასაცილო ამბავია ქვეყნისთვის, რომ ასეთი ხელისუფლება გვყავს, ვიღაცამ უნდა გადაამზადოს"

"ძალიან სასაცილო ამბავია ქვეყნისთვის, რომ ასეთი ხელისუფლება გვყავს, ვიღაცამ უნდა გადაამზადოს" - გიგა ბოკერია

პოლიტიკა - 15:44, 13 May, 2019

1197

"ევროპული საქართველოს" წევრი, გიგა ბოკერია ხელისუფლების წარმომადგენლების მიერ დაანონსებულ განახლებაზე კომენტარს აკეთებს.

როგორც ბოკერია ამბობს, ქვეყნისთვის ძალიან სასაცილო ამბავია, როდესაც ხელისფლებას გადამზადება სჭირდება.

„რაც შეეხება იმას, რომ ვიღაც გადამზადებას ახდენს პოლიტიკური ლიდერების, ქალბატონ მიმინოშვილზეა საუბარი, ეს მართლა სევდიანი, მაგრამ ძალიან სასაცილო ამბავია ჩვენი ქვეყნისთვის, რომ ასეთი ხელისუფლება გვყავს, რომ ვიღაცამ უნდა გადაამზადოს. სრულიად უიმედო ამბავი არის ივანიშვილის გუნდის რაიმე სახით არათუ განახლება, არამედ საითმე დაძვრაც კი. იმიტომ, რომ ფუნდამენტური პრინციპია აქ არასწორი, ამ კაცს აქვს ამოცანა, რომ გარშემო პოლიტიკური წონის არმქონე ხალხი უნდა ჰყავდეს და აქ ადამიანები უნდა იყვნენ გარეთიანებული ერთიანი ხედვით, ღირებულებებით, საით უნდა წაიყვანონ ქვეყანა და აქ ერთადერთი პრინციპია, ხელისუფლებაში ყოფნა და ივანიშვილთან ახლოს ყოფნა და მისი დამოკიდებულება, რომ ისინი წონით უნდა იყვნენ თითქმის ნულის ტოლი ფიგურები და აქედან არაფერი გამოვა" - აღნიშნა გიგა ბოკერიამ.