ძიძები სერთიფიცირებას დაექვემდებარებიან - რას ითვალისწინებს პარლამენტში წარდგენილი კანონპროექტი

პოლიტიკა - 13:52, 13 May, 2019

790

ძიძები სერთიფიცირებას დაექვემდებარებიან, როგორც პარლამენტში წარდგენილ კანონპროექტში “ბავშვთა უფლებების კოდექსშია“ ნათქვამი სერთიფიცირება ნებაყოფლობითი იქნება:

„ბავშვის მომვლელის (ძიძა) სტატუსი, გარკვეული გასამრჯელოს სანაცვლოდ, მოუაროს ერთ ან რამდენიმე (არაუმეტეს 5 ბავშვისა) ბავშვს მისი კანონიერი წარმომადგენლის სახლში ან მის გარეთ, ექვემდებარება ნებაყოფლობით სერტიფიცირებას. მომვლელს უფლება აქვს, მიიღოს შესაბამისი მხარდაჭერა ბავშვების აღზრდასთან დაკავშირებით სოციალური მუშაკისგან.

ბავშვის მომვლელის (ძიძა) ნებაყოფლობითი სერთიფიცირების პროცესს ორგანიზებას უწევს საქართველოს განათლების, მეცნიერების, კულტურისა და სპორტის სამინისტრო.

ბავშვის დაცვის და მხარდაჭერის სფეროში დასაქმებული პირების პროფესიული განვითარების სტანდარტებს, აგრეთვე მომვლელის (ძიძა) ნებაყოფლობითი სერთიფიცირების წესს და მომვლელის საქმიანობის სამართლებრივ საფუძლებს განსაზღვრავს დებულება ,,ბავშვის დაცვის და დახმარების სფეროში დასაქმებული პირების პროფესიული განვითარების სტანდარტები“, რომელსაც შეიმუშავებს და ამტკიცებს საქართველოს მთავრობა.“- აღნიშნულია კანონპროექტის განმარტებით ბარათში.

კანონპროექტი კანონმდებლებმა პირველი მოსმენით უკვე მიიღეს.