ხელისუფლება ოპოზიციის წინააღმდეგ ლობისტებს ქირაობს და შავი პიარის წარმოებას უკვეთავს - გავრცელებულ ინფორმაციას მმართველი პარტიის გენერალური მდივანი გამოეხმაურა. კახა კალაძეს აღნიშნულის არ სჯერა. დედაქალაქის მერის განცხადებით, მას ხელისუფლების წარმომადგენლებისა და მისი ლობისტების საიდუმლო მიმოწერის შესახებ არაფერი სმენია.

საუბარია 600-ზე მეტ წერილზე, რომელიც ტელეკომპანია „რუსთავი 2“-ს მიაწოდეს. წერილების ერთ ნაწილში ირკვევა, რომ ხელისუფლება დაქირავებულ ლობისტებს 2016 წელს საქართველოს საპარლამენტო არჩევნების წინ გიგი წერეთლის პარლამენტის საპარლამენტო ასამბლეის პრეზიდენტად არჩევაში ხელის შეშლას უკვეთავს.

"არანაირი ინფორმაცია არ მაქვს ის რომ გიგი წერეთელი პრეზიდენტია რა არის ცუდი ამაში, მე მგონია ეგ ძალიან კარგია და არ მგონია, რომ ეგ სიმართლე იყოს, შეიძლება რაღაც სიცრუესთან იყოს საქმე,“-აცხადებს კალაძე.