გაერთიანებული ოპოზიციის "ძალა ერთობაშია" ლიდერები გრიგოლ ვაშაძე, ზურაბ მელიქიშვილი და აზერ სულეიმანოვი მარნეულის მერობის კანდიდატ აგილ მუსტაფაევთან ერთად საარჩევნო შეხვედრებს განაგრძობენ.

ამჯერად სოფელ სავირქენდის, ახლომახმუდლოს, ბაილარისა და ყიზილაჯლოს ესტუმრნენ, სადაც მოსახლეობას შეხვდნენ და მათ პრობლემებს გაეცნენ. ადგილობრივების თქმით მთავარი პრობლემა მძიმე სოციალური ფონია, სამუშაო ადგილები არ არის და ახალგაზრდები სოფლებს მუდმივად ტოვებენ.

შეხვედრის მონაწილეებს მერობის კანდიდატმა საარჩევნო პროგრამა გააცნო, სადაც აქცენტი ახალგაზრდების დასაქმებაზე კეთდება, ასევე

არჩევნებში გამარჯვების შემდეგ აგილ მუსტაფაევი ახალგაზრდული ინიციატივების ხელშემწყობ ფონდს შექმნის.

ოპოზიციის ლიდერების თქმით, მარნეულის მუნიციპალიტეტში ხელისუფლების მხრიდან ადგილი აქვს მომარჩევლის მოსყიდვის მცდელობებს.

„ზუსტად ისევეა ჩამოვლა და დაშინება კრიმინალების მიერ მარნეულის რაიონში, ზუსტად ისევეა მოსყიდვის მცდელობები, ზუსტად ისევეა პროვოკაციის მცდელობები, რომ ხელჩართული კრივი გამოიწვიონ და იმის მაგივრად, რომ პრობლემებზე ვილაპარაკოთ, ერთმანეთზე დაპირისპირება მოხდეს, ზუსტად ისევე არის დაშინება და ყველანაირი მცდელობა, რომ ადამიანები შეხვედრაზე არ მოვიდნენ, რომ ციფრები და სიმართლე გაიგონ იმაზე, რა მოგვიტანა ბიძინა ივანიშვილის თარეშმა ამ ქვეყანაში 7 წლის განმავლობაში,“ - განაცხადა გრიგოლ ვაშაძემ.