ღია დისკუსია ღია სივრცეში, ამომრჩეველთან ერთად - სანდრა რულოვსი სახელისუფლებო კანდიდატს დებატებს კიდევ ერთხელ სთავაზობს

პოლიტიკა - 12:52, 11 May, 2019

933

ზუგდიდი მერობის კანდიდატი, სანდრა რულოვსი სახელისუფლებო კანდიდატს და ბიძინა ივანიშვილს მიმართვას.

გაერთიანებული ოპოზიციის კანდიდატი მის კონკურენტს დებატებში იწვევს და ღია დისკუსიას, ღია სივრცეში ზუგდიდის მუნიციპალიტეტის ამომრჩეველთან ერთად და მედიის ფართო სპექტრის მონაწილეობით სთავაზობს.

მერობის კანდიდატი კონკრეტულ თარიღს ასახელებს და კონკურენტს დებატებში მონაწილეობის მისაღებად, 16 მაისს 17:00 საათზე, განმუხურის ამფითეატრში ელოდება.

"მივმართავ ივანიშვილს და მის მიერ დანიშნულ კანდიდატს.

თქვენ მიწვევდით საარჩევნო დებატებზე ერთ კონკრეტულ არხზე, მე კი გთავაზობთ ღია დისკუსიას ღია სივრცეში ზუგდიდის მუნიციპალიტეტის ამომრჩეველთან ერთად და ფართო მედიის სპექტრის დასწრებით.
მე არ ვიცი, რატომ მიიჩნევთ ასეთ დისკუსიას დაპირისპირების მცდელობად, როგორც ნათქვამია თქვენს ცენტრალურ ოფისში დაწერილ განცხადებაში.
ეტყობა, ივანიშვილს და თქვენც ეჭვი გეპარებათ იმაში, რომ აქ არის მაღალი ინტელექტის და კულტურის მქონე ევროპული საზოგადოება. აქ გამორჩეულად იციან განსხვავებული აზრის პატივისცემა და ერთმანეთის მოსმენა და მოთმენაც.
გელოდებით 16 მაისს 17:00 საათზე განმუხურის ამფითეატრში.
არაფერი გვექნება გადასახდელი, რადგან იქაურობას პატრონი არ ჰყავს.
და კიდევ ერთი - თქვენ ამბობთ, მშვიდობა მინდა და კეთილდღეობა. ვის არ უნდა?
მაგრამ მშვიდობა არ იქმნება ქუჩაში კრიმინალების დაბრუნებით, მოქალაქეებზე ძალადობით და მოსყიდვით, პედაგოგებზე ზეწოლით, რასაც შარშან შეეწირა ზუგდიდის მეექვსე სკოლის დირექტორის სიცოცხლე.
თქვენი „მშვიდობა“ კი ყოველ ნაბიჯზე გვხვდება. დაცლილი სოფლები, ემიგრაციაში წასულებზე მონატრებული სახეები და უამრავი აბრა - სახლი იყიდება. ასე იშლება ოდა-ბადე.
რაც შეეხება კეთილდღეობას, 7 წელიწადია, ამას ელოდება ხალხი თქვენგან, მაგრამ სადაა?

ზუგდიდიდან იწყება საქართველოს გამარჯვება. ძალა ერთობაშია"- განაცხადა სანდრა რულოვსმა.