"არჩევნები ჩაივლის ძალიან მშვიდად და დემოკრატიულ პირობებში"- „ქართული ოცნების“ წარმომადგენელი სოფელ რიყის ინციდენტზე

პოლიტიკა - 17:23, 10 May, 2019

712

ზუგდიდის მუნიციპალიტეტის სოფელ რიყეში, გაერთიანებული ოპოზიცია - „ძალა ერთობაშიას“ მერობის კანდიდატის სანდრა რულოვსის მხარდასაჭერად კარდაკარის დროს ოპოზიციის წევრებს პროვოკაციები მოუწყვეს.

ადგილზე მათ სუს-ისა და შს სამინისტროს წარმომადგენლები დახვდნენ, ადგილი ჰქონდა ოპოზიციის ლიდერების ფიზიკური შეურაცხყოფის მცდელობასაც. ასევე ადგილზე იმყოფებოდა გამგეობის წარმომადგენელი ნასვამ მდგომარეობაში.

ადგილობრივების განცხადებით, არა ერთხელ ჰქონია მმართველი გუნდის კანდიდატის წარმომადგენლების მხრიდან, მათი დაშინების მცდელობას ადგილი.

ამ ყოველივეს დღეს „ქართული ოცნების“ წარმომადგენელმა ლაშა გვასალიამ უპასუხა და თავად ოპოზიცია დაადანაშაულა არეულობის მოწყობის მცდელობაში:

“დაუძველდათ „ნაციონალური მოძრაობის“ წარმოამდგენლებს თავიანთი მეთოდები და ხერხები, ისინი როცა დარწმუნდებიან, რომ არჩევნებს აგებენ უპირობოდ, მაშინაც მიმართავენ მსგავს ხრიკებს, მაგრამ არ გაუვათ მათ, ისინი ცდილობენ, რომ შემოიტანონ არეულობა, მაგრამ ზუგდიდშიც და საქართველოს ყველა რეგიონში სადაც ტარდება არჩევნები, ჩაივლის ძალიან მშვიდად, დემოკრატიულ პირობებში, ამიტომ დამშვიდდნენ, არანაირი მსგავს რაღაცებს ჩვენი მხრიდან ადგილი არ აქვს და არც არასდროს ექნება“, - განაცხადა ლაშა გვასალიამ.