თბილისის მერი კახი კალაძე "ყვითელ" ავტობუსებისთვის ყალბი დასკვნების გაცემის ფაქტებს ეხმაურება, რომელზეც ტექდათვალიერების სამსახურის ოთხი თანამშრომელი დააკავეს.

კახი კალაძის თქმით, მსგავსი ფაქტები მისთვის მიუღებელია.

„ბევრი გაჩერებულია, რომლის გადაადგილება არ შეიძლება და პრობლემაა. რომელიც მოძრაობს, აკმაყოფილებს იმ მოთხოვნებს, რაც არის. თუმცა ყველანაირი თვალსაზრისით მიუღებელია. იცით ჩვენი დამოკიდებულება ამასთან დაკავშირებით. იცით, რომ პროცესი დაწყებულია და გვინდა, რომ მთლიანად ჩავანაცვლოთ წლის ბოლომდე პარკი. რაც შეეხება ე.წ. მარშუტკებს, ამასთან დაკავშირებით მალე გვექნება სრული სურათი, საერთოდ ქალაქს სჭირდება თუ არა ყვითელი მარშუტკები" - აღნიშნა თბილისის მერმა.