"მოსახლეობა აღშფოთებულია, მოგვეცით საშუალება მშვიდობიანად დავიცვათ საქართველო პანკისის ხეობიდან"- პანკისელები ხელისუფლებას მიზანმიმართულ დისკრედიტაციაში ადანაშაულებენ

პოლიტიკა - 13:17, 10 May, 2019

852

პანკისის ხეობის მოსახლეომა, მოკლული თემირლან მაჩალიკაშვილის მამის წინააღმდეგ დაწყებულ გამოძიებას მიზანმიმართულ დისკრედიტაციად აფასებენ და ხეობაში, ხელისუფლების მხრიდან შექმნილ მუდმივ დაძაბულობაზე საუბრობენ. ხანგოშვილის განცხადებით, დანაშაულია მალხაზ მაჩალიკაშვილის ტერორისტად შერაცხვა, მაშინ როცა გამოძიება ჯერ არც დასრულებულა. ხეობაში მუდმივ დაძაბულობას ქმნიან

მექა ხანგოშვილი სუს-ის მიერ გავრცელებულ ჩანაწერზეც საუბრობს, მისთვის საუბრის შინაარსი ქისტური ტრადიციებიდან გამომდინარე დაუჯერებელიადა ამბოს, რომ აღნიშნული აუდიო ფაილის ავთენტურობა ექსპერტიზამ უნდა დაადგინოს. მექა ხანგოშვილი საპარლამენტო უმრავლესობის წევრის, ირაკლი სესიაშვილის განცხადებასაც გამოეხმაურა, მისი თქმით, სესიაშვილა უდანაშაულობის პრეზუმფცია დაარღვია.

„მთლიანი მოსახლეობა აღშფოთებულია ბატონი სესიაშვილის განცხადებით, როდესაც მან დაარღვია უდანაშაულობის პრეზუმფცია და პირდაპირ თემირლან მაჩალიკაშვილი გამოაცხადა, როგორც ტერორისტი. პანკისის ხეობის მოსახლეობა სწორედ ამ განცხადებების საფუძველზე არის ძალიან აღელვებული და თავისთავად მოითხოვს, ასე ვთქვათ, რომ დამთავრდეს პანკისის ხეობის მანიპულაციები, დამთავრდეს რომ ბოლო 30 წლის განმავლობაში ხეობის მოსახლეობა მუდმივად დავდივართ ბეწვის ხიდზე და მისცენ ამ მოსახლეობას მშვიდობიანად დაიცვან საქართველო პანკისის ხეობიდან, ეს არის ჩვენი მოთხოვნა,“ - განაცხადა მექა ხანგოშვილმა.

დღეს, 15:00 მალხაზ მაჩალიკაშვილი სუს-ში მისვლას აპირებს. პარალელურად კი პანკისის ხეობაში, მოსახლეობა მისი მხარდამჭერი საპროტესტო აქციის გამართვას გეგმავს.