"საქართველოდან თავშესაფრის მაძიებელთა მსგავსი რაოდენობა ანომალია და დიდი თავის ტკივილია" - საფრანგეთის შს მინისტრის თქმით, უვიზო მიმოსვლის შეჩერების შესაძლებლობა არსებობს

პოლიტიკა - 12:18, 10 May, 2019

1170

საფრანგეთის შინაგან საქმეთა მინისტრის თქმით, საქართველოსა და საფრანგეთის თანამშრომლობის ფარგლებში აუცილებელია მოქმედება სამ გამოწვევასთან დაკავშირებით, რომელიც ეხება, როგორც საქართველოს ასევე საფრანგეთის მოქალაქეებსაც. კრისტოფ კასტანერის თქმით ეს გამოწვევებია ორგანიზებულ დანაშაულთან ბრძოლა, ტერორიზმის წინააღმდეგ ბრძოლა და არაკანონიერი მიგრაცია.

„ნება მომეცით განსაკუთრებით აღვნიშნო არაკანონიერი მიგრაციის საკითხი, საქართველონ არის უსაფრთხო ქვეყანა. ჩვენ დავიწყეთ ამასთან დაკავშირებით თანამშრომლობა. თავშესაფრის მაძიებლები არის დიდი თავის ტკივილი საფრანგეთისთვის, რადგან არაა ნორმალური, რომ საქართველო პირველი იყოს თავშესაფრის მაძიებლებთა შორის. საქართველოში არსებული პოლიტიკური მდგომარეობა ამ მოთხოვნას არანაირად არ ამართლებს. საქართველოში ომი არაა. საქართველო ბუნებრივად მიიჩნევა საფრანგეთის და ევროპელი პარტნიორების მხრიდან მიიჩნევა საიმედო პარტნიორად. საქართველო ვითარდება დინამიურად და საქართველოდან თავშესაფრის მომთხოვთა მსგავსი რაოდენობა ერთგვარი ანომალიაა.“- განაცხადა საფრანგეთის შს მინისტრმა.

ფრანგი ჟურნალისტის კითხვაზე რამ შეიძლება აიძულოს საფრანგეთი რომ უვიზო მიმოსვლას გადახედოს, კრისტოფ კასტნერმა განაცხადა, რომ ქართულ მხარესთან თანამშრომლობა მიმდინარეობს:

„შეჩერებაზე არ მისაუბრია, რადგან თანამშრომლობა გრძელდება, მაგრამ ეს შესაძლებლობა სავარაუდოდ არსებობს. დღეს არის ძალიან დიდი ზრდა თავშესაფრის მაძიებელთა, ასევე ჯანდაცვის სფეროში არის ძალიან დიდი მოთხოვნა მომსახურებაზე, მინდა, მადლობა ვუთხრა საქართველოს, რომ თანამშრომლობს ჩვენთან ამ კუთხით და ეს საკითხები ჯერჯერობით არ დგას“- განაცხადა კასტნერმა.