პანკისის ხეობაში ჩატარებული სპეცოპერაციისას მოკლული თემირლან მაჩალიკაშვილის მამა მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზე დღეს 15:00 საათზე მოწმის სტატუსით არის დაბარებული. საუბარია ერთი წლის წინ მაჩალიკაშვილის მიერ პარლამენტთან გაკეთებულ განცხადებაზე, სადაც მან განაცხადა, რომ თავის აფეთქებას აპირებდა.

ასევე გამოძიებას კითხვები აქვს სუს-ის მიერ გავრცელებულ აუდიოჩანაწერზე, სადაც მათი მტკიცებით იგი ძმისშვილს სოსო გოგაშვილის თვალთვალს ავალებდა.

მალხაზ მაჩალიკაშვილი არ გამორიცხავს, რომ დაკითხვის შემდეგ მისი დაკავება მოხდეს:

„თუ დამაკავეს პარლამენტთა აქციას გააგრძელებს ჩემი მეუღლე მედიკო მარგოშვილი, მაგრამ რის საფუძველზე უნდა დამაკავონ, იმიტომ, რომ ღამით ჩემს სიზმრებს უყურებენ? იმიტომ, რომ მათი ბინძური სულები ჩემს სულში ძვრებიან? ის ყველანი არიან დასახვრეტი,“-აცხადებს მალხაზ მაჩალიკაშვილი.