თსუ-ის პრორექტორად ნინო გვენეტაძე დაინიშნა – აღნიშნულს ოპოზიციის რიგებში საკმაოდ კრიტიკულად აფასებენ, რასაც საქართველოს პარლამენტის თავმჯდომარემ უპასუხა და ყოველივეს პოლიტიკური სპეკულაციები უწოდა.

ირაკლი კობახიძემ გაიხსენა ისიც, რომ ნინო გვენეტაძე იყო იმ 9 მოსამართლიდან ერთ-ერთი, რომელმაც „რუსთავი -ის“ საქმეზე გადაწყვეტილება გამოიტანა. კობახიძის თქმით, „ნაციონალურ მოძრაობას“ აქვს ოცნება, რომ სასამართლოზე გავლენა დაიბრუნოს, თუმცა ეს არ მოხდება.

„მე გახლავართ თსუ-ს პროფესორი და ძალიან მიხარია, რომ ის იქნება ჩემი კოლეგა. აქედან გამომდინარე, მთელი სულით და გულით ვულოცავ ქალბატონ ნინოს ამ თანამდებობის დაკავებას. რაც შეეხება სპეკულაციებს, ამას პასუხს ვერ გავცემ. მე ნინო გვენეტაძეც კლანის წევრი მეგონა იმიტომ, რომ მან „რუსთავი 2"-თან დაკავშირებით მიიღო იგივე გადაწყვეტილება, რაც დანარჩენმა რვა მოსამართლემ. მე მეგონა, რომ ნინო გვენეტაძეც კლანის წევრი იყო. ამ სპეკულაციების მიზანი არის ერთადერთი, რომ რამენაირად „ნაციონალურმა მოძრაობამ“ მოახერხოს რევანში სასამართლოსთან მიმართებით.

„ნაციონალურ მოძრაობას“ ჰქონდა სრული კონტროლი სასამართლოზე, „რუსთავი 2"-ზე რჩება, თანდათანობით კარგავდა ამ გავლენას, ბოლოს დაკარგეს ეს გავლენა, როდესაც ერთ-ერთი მნიშვნელოვანი სასამართლოს თავმჯდომარე ჩამოშორდა თავის თანამდებობას და არიან გამწარებულები და ვერ ეგუებიან, რომ სასამართლოზე არ აქვთ აღარანაირი ბერკეტი, შესაბამისად, აქვთ ერთადერთი ოცნება და ნატვრა, რომ რამენაირად, მინიმალურად მაინც დაიბრუნონ სასამართლოზე გავლენა, მაგრამ ამას „ნაცმოძრაობა“ ვერ ეღირსება,“ - განაცხადა ირაკლი კობახიძემ.