მალხაზ მაჩალიკაშვილის საქმე და სუს–ის მიერ გავრცელებული აუდიოჩანაწერი – საკითხს საქართველოს პარლამენტის თავმჯდომარე ირაკლი კობახიძე გამოეხმაურა და განაცხადა, რომ ჩანაწერში არ არის მხოლოდ აღშფოთებული ადამიანის საუბარი, ჩანაწერში ისმის კონკრეტული დავალება. მისივე თქმით, კარგია, რომ სახელმწიფო უსაფრთხოების სამსახურმა ინფორმაცია გაასაჯაროვა:

„მე არ ვიცი, ის ჩანაწერი იურიდიული კვალიფიკაციის კუთხით იძლევა თუ არა ამ ეტაპზე დაკავების შესაძლებლობას. ამაზე პასუხი უნდა გასცეს სამართალდამცველმა ორგანოებმა, თუმცა თავისთავად ამ ინფორმაციის საჯაროობა იყო მნიშვნელოვანი იქიდან გამომდინარე, რომ ის ემსახურებოდა დანაშაულის პრევენციას. თქვენ ხედავდით, რომ ეს არ იყო უბრალოდ აღშფოთებული ადამიანის საუბარი. გაცემული იყო კონკრეტული დავალება ოჯახის წევრზე. აქედან გამომდინარე, კონკრეტული ოჯახის მიმართ აშკარა საფრთხე იყო და ამ საქმეს სჭირდებოდა პრევენცია. ძალიან კარგია, რომ სუს-მა გაასაჯაროვა ინფორმაცია. რაც შეეხება ბრალდების სტანდარტს, ამასთან დაკავშირებით პასუხი უნდა გაგვცეს ბუნებრივია, სამართალდამცველმა ორგანოებმა,"- განაცხადა კობახიძემ.