გაერთიანებული ოპოზიციის კანდიდატმა ზუგდიდის მერის არჩევნებში, სანდრა რულოვსმა მმართველი გუნდის კანდიდატს, გეგა შენგელიას ხალხთან ღია სივრცეში ღია საუბარი შესთავაზა:

„ჩვენ ივანიშვილის ხელისუფლებასთან სალაპარაკო არ გვაქვს, ხელისუფლებასთან, რომელმაც მთელი ქვეყანა გააღატაკა. ჩვენ ვესაუბრებით ხალხს - პრობლემებზე და გამოსავლის გზებზე.

ამიტომ, „ოცნების“ კანდიდატს ვთავაზობ ღია საუბარს ხალხთან - ღია სივრცეში და არა ივანიშვილის მიერ მართულ ტელევიზიებში.

აქ, განმუხურის გაჩერებულ ამფითეატრში, სადაც დისკუსიაში ჩვენთან ერთად მიიღებენ მონაწილეობას ზუგდიდელები, გამოთქვამენ თავის წუხილებს და, სადაც ყველა ტელევიზიას ექნება დასწრების და გაშუქების თანაბარი შესაძლებლობა.

ზუგდიდიდან იწყება საქართველოს გამარჯვება!“- აცხადებს სანდრა რულოვსი ვიდეომიმართვაში.