მალხაზ მაჩალიკაშვილის საქმე და სახელმწიფო უსაფრთხოების სამსახურის მიერ გამოქვეყნებული ჩანაწერი – საკითხი საქართველოს პრემიერ–მინისტრმა შეაფასა. მამუკა ბახტაძის განცხადებით მძიმე დანაშაულის პრევენცია მოხდა. მისი განცხადებით, შესაბამისი სამართლებრივი პროცედურები გამოძიების დასრულების შემდეგ გატარდება:

“პროკურატურას აქვს თავის პროცედურები. მათ გააკეთეს განცხადება, რომ ისინი სწავლობენ მტკიცებულებებს და ამას მოჰყვება ბუნებრივია შესაბამისი სამართლებრივი ნაბიჯები და პროცედურები. ჩვენ უნდა დაველოდოთ მათ და შევხედოთ მოვლენების განვითარებას. ჩემთვის, როგორც მოქალაქისთვის ფაქტი არის, რომ უსაფრთხოების სამსახურმა შეძლო ძალიან მძიმე დანაშაულის პრევენცია,“-აცხადებს მამუკა ბახტაძე.