„ლეიბორისტული პარტიის“ ლიდერი შალვა ნათელაშვილი ამერიკის შეერთებულ შტატებში გაემგზავრა. ის ვაშინგტონში ცოტა ხნის წინ გაფრინდა.

შალვა ნათელაშვილის განცხადებით მას დაგეგმილი აქვს აუდიენცია სენატორებთან და კონგრესმენებთან. მისი თქმით, შეხვედრებზე ის საქართველოში შექმნილ რთულ ვითარებაზე ისაუბრებს:

„იწყება ჩემი ვიზიტი აშშ-ში, იმედია დაბრუნებამდე ივანიშვილი არ დააქცევს ამ ქვეყანას კიდევ. შეხვედრები დაგეგმილია აშშ-ს სენატის, კონგრესის, სახდეპის, სტრატეგიული ცენტრების ხელმძღვანელებთან. საუბარი იქნება საქართველოში შექმნილ უმძიმეს მდგომარეობაზე. ყველაფერს გავაკეთებთ იმისათვის,რომ ჩვენი მოკავშირეები შეეგუონ ივანიშვილის რეჟიმის დასრულებას საქართველოში,“- განაცხადა შალვა ნათელაშვილმა.