ევროპელი და ამერიკელი პარტნიორების კრიტიკული მოთხოვნა - საქართველოს ხელისუფლებამ საარჩევნო გარემო რადიკალურად უნდა შეცვალოს

პოლიტიკა - 22:59, 08 May, 2019

979

არჩევნებზე მასობრივი მოსყვიდვის, გაყალბებისთვის და ამომრჩეველთა დაშინებისთვის, მკაცრი გაფრთხილება საქართველოს ხელისუფლებამ ევროპელი და ამერიკელი პარტნიორებისგან მიიღო.

ქვეყნის მთავარი პარტნიორები „ქართულ ოცნებას“ მოუწოდებენ, რომ ხმების მოსყიდვა 2020 წლის არჩევნებზე აღარ დაუშვას და კანონი იმდაგვარად გამკაცრდეს, რომ მმართველმა პარტიამ ხმების მასობრივად ყიდვა ვეღარ შეძლოს.ეუთოს დასკვნაში საპრეზიდენტო არჩევნებზე ხმების ყიდვა ერთ-ერთ ყველაზე პრობლემატურ საკითხად დასახელდა. „ნაციონალურმა მოძრაობამ“ საგანგებო ბრიფინგი გამართა და მმართველ გუნდს რეკომენდაციების შესრულებისკენ მოსთხოვა.

დოკუმენტში პირდაპირ წერია, რომ მიუღებელია და არათანაბარ პირობებში აყენებს პარტიებს შემოწირულობის ის ფორმა, რომელიც აქამდე მოქმედებდა და რომლის მიხედვითაც, მოქალაქეების თანხებს მხოლოდ ერთ პარტიას - „ქართულ ოცნებას“ სწირავდნენ. ქვეყნის მთავარი მოკავშირეები „ქართული ოცნების“ ხელისუფლებისგან ითხოვენ, რომ ამომრჩეველზე ზეწოლა და შურისძიების მცდელობები დასრულდეს და ამის უზრუნველსაყოფად კი კანონი შეიცვალოს.

საერთაშორისო მოკავშირეები საარჩევნო აგიტაციის წესის ცვლილებას ითხოვენ. მთავარი რეკომენდაცია კი საჯარო მოხელეებისთვის აკრძალვის დაწესებაა, რომ მათ „ქართული ოცნების“ კანდიდატის მხარდასაჭერად სოციალურ ქსელებში თუ სხვა საჯარო სივრცეში კამპანიაში ჩართვა ვერ შეძლონ.

ქვეყნის პარტნიორების მიერ შემუშავებულ დოკუმენტში ე.წ. კოორდინატორების საკითხზეც არის საუბარი. პარტნიორების აზრით, კოორდინატორებისთვისამომრჩეველთა სიაზე წვდომის აკრძალვა და უბნებთან ამომრჩევლის კონტროლი მკაცრ საკანონმდებლო ჩარჩოს უნდა დაექვემდებაროს.