პრემიერის მრჩეველმა რეგიონული განვითარების საკითხებში სოზარ სუბარმა "რუსთავი 2"-ის ჟურნალისტს კითხვით მიმართა და ტელეკომპანიის ირგვლის არსებულ მდგომარეობასთან დაკავშირებით კომენტარი გააკეთა.

მისი თქმით, ქვეყანაში სიტყვის თავისუფლება გარანტირებულია, რასაც ტელეეთერიდან გინებაც ადასტურებს.

”თუ ვინმე ფიქრობს, რომ ჩვენ ვართ ის ხელისუფლება, რომელსაც შეუძლია, ან ვისაც აქვს სურვილი, მფლობელს, 9%-ის იქნება, თუ რამდენისაც არის, აუკრძალოს სასამართლოში ჩივილი თავისი ინტერესების დასაცავად, ჩვენ ეს ადამიანები არ ვართ. ასე შეიძლება იქცეოდა წინა ხელისუფლება, იმის წინაც, მაგრამ ჩვენ ამას ვერ გავაკეთებთ. ადამიანი ჩივის სასამართლოში, სასამართლოში გაირკვევა, სად არის სიმართლე და როგორ არის სიმართლე. სიტყვის თავისუფლება რომ გარანტირებულია, თქვენც კარგად ხედავთ, რა დონეზეა გარანტირებული, ეს თქვენი ეთერიდან იღვრება ყოველდღიურად, თქვენც მგონი, ზოგჯერ გრცხვენიათ ხოლმე, მაგრამ იტანთ იმიტომ, რომ რა ქნათ. არაუშავს. თუ დედის გინება სიმართლეა, ამ სიმართლით ეცხოვროს მაგინებელს" - აღნიშნა სუბარმა.