ხმაური იყო ზუგდიდში, "ქართული ოცნების" საარჩევნო შტაბთან, სადაც ბიზნესმენმა მანანა მიქავამ საპროტესტო აქცია გამართა.

მიქავას გაღიზიანება გეგა შენგელიას შტაბის წევრების საქციელმა გამოიწვია, რადგან მათ ბიზნესმენს და აქციის სხვა მონაწილეებს შენობაში შესასვლელი კარი ჩაკეტეს.

მიქავამ ჟურნალისტებს განუცხადა, რომ ხელისუფლება მის ბიზნეს ებრძვის.

აქციაზე სიტყვიერი დაპრისპირება მოხდა აქციის მონაწილეებსა და ,,პოსტ ტივის“ გადამღებ ჯგუფს შორის. მანანა მიქავამ მათ შემოგზავნილები უწოდა.

მანამდე კი „პოსტ ტივის" ჟურნალისტმა ბიზმესმენს ჰკითხა, - „თაღლითური გზით მიითვისეთ თანხა და რამდენად სამართლიანია თქვენი მოთხოვნა დღეს, რომ მიწა დაგიბრუნონ?“. მანანა მიქავა ჟურნალისტის მხრიდან ამ ფორმით დასმულმა კითხვამ გააღიზიანა და თქვა, რომ ის არის მიკერძოებული და გამოხატავს ქართული ოცნების პოზიციას.

"პოსტ ტივის" ჟურნალისტი ირწმუნება, რომ მანანა მიქავამ და აქციის მონაწილეებმა მას სიტყვიერი და ფიზიკური შეურაცხყოფა მიაყენეს. ადგილზე საპარტულო პოლიციაც განოიძახეს.

ბიზნესმენსა და ხელისუფლებას შორის სამართლებრივი დავა ე.წ. გულუას პარკის ტერიტორიაზე წლებია მიმდინარეობს.