"პოლიტიკური პლატფორმა -ახალი საქართველოს" თავმჯდომარე, ტელეკომპანია "რუსთავი 2"-ის ირგვლის განვითარებულ მოვლენებს ეხმაურება. გიორგი ვაშაძის თქმით, ხელისუფლებას არ აწყობს დამოუკიდებელი ტელევიზია. მისივე თქმით, ხელისუფლებაში მოსვლის დღიდანვე, ბიძინა ივანიშვილი ღიად ცდილობს მთავარი ოპოზიციური ძალის ჩახშობას.

„ხელისუფლებაში მოსვლის დღიდან, ბიძინა ივანიშვილი ღიად ცდილობს მთავარი ოპოზიციური არხის ჩახშობას და დღეს უკვე ტელეკომპანიის წინააღმდეგ მორიგ იერიშს ახორციელებს. საკუთარ განცხადებებში მან ეს არაერთხელ დააფიქსირა და ყველა ღონეს ხმარობს, მიზნის მისაღწევად.

ბუნებრივია, რომ ხელისუფლებას არ აწყობს ტელევიზია, სადაც შეულამაზებლად და ობიექტურად შუქდება ქვეყანაში მიმდინარე პროცესები. ტელევიზია, სადაც ხალხს შეუძლია ღიად თქვას სათქმელი და დააფიქსიროს საკუთარი აზრი.

ბიძინა ივანიშვილის ხელისუფლებამ, არაერთხელ დაამტკიცა, რომ მან გადაუხვია პროდასავლურ კურსს. მსგავსი პროცესები აზიანებს ჩვენს იმიჯს საერთაშორისო ასპარეზზე და საფრთხეს უქმნის დემოკრატიას ჩვენს ქვეყანაში.

ეს არის შეტევა თავისუფალი სიტყვის წინააღმდეგ.

ცხადია, რომ ამ პროცესის მიზანი არის ტელეკომპანიის სარედაქციო პოლიტიკის შეცვლა.

ჩვენ, წინ გადამწყვეტი საპარლამენტო არჩევნები გველის. ბიძინა ივანიშვილის მთავარი მიზანია, ამ არჩევნებმა დამოუკიდებელი და მიუკერძოებელი ტელეკომპანიის გარეშე ჩიაროს.

მიმაჩნია, რომ მთელი საზოგადოება არის სოლიდარული რუსთავი ორის მიმართ, მათ შორის პოლიტიკური პარტიები, არასამთავრობო ორგანიზაციები და ჩვენ, ყველანი დავიცავთ რუსთავი ორს და სიტყვის თავისუფლებას. „- განაცხადა გიორგი ვაშაძემ