რას მალავს ეროვნული ბანკი - გოცირიძე ლარის მკვეთრი გაუფასურების მიზეზებს ასახელებს

პოლიტიკა - 18:11, 08 May, 2019

2533

ლარის კურსი ისევ დაეცა. ეროვნული ბანკის გაცვლითი კურსის მონაცემებით, ერთი ამერიკული დოლარის ოფიციალური ღირებულება 2.7384 ლარია, ხოლო კომერციულ ბანკებში მომხმარებლებს ლარის უცხოურ ვალუტაში კონვერტაცია გაცილებით მაღალი საფასური უჯდებათ.
ბოლო პერიოდში ეროვნული ვალუტის კურსი ინტენსიურ გაუფასურებას განიცდის. "ერთიანი ნაციონალური მოძრაობის" წევრი რომან გოცირიძე ლარის კურსის მკვეთრ ცვლილებას ეროვნული ბანკის ქმედებას, კერძოდ კი რეზერვების შევსებას უკავშირებს.

როგორც "ენმ"-ს წევრმა "ნიუპოსტთან" საუბარში აღნიშნა, არ არის გამორიცხული ხელისუფლება უცხოური ინვესტიციების შემოდინების მონაცემებს აყალბებდეს და განზრახ აზვიადებდეს, რაც ლარის კურსის ცვალებადობაზე პირდაპირ ისახება.

"წინა მონაცემების გათვალისწინებით, ლარმა გაუფასურების ნაცვლად გამყარება უნდა დაიწყოს, თუმცა სამწუხაროდ გამყარების ნაცვალად ლარი უფასურდება. უკვე მერამდენედ ხდება, როდესაც ეროვნული ბანკი ცდილობს ჩვენს დამშვიდებას ის, რომ ლარის გაუფასურება მოსალოდნელი იყო სხვადასხვა მიზეზების გამო. არ გაითვალისწინეს და მათ უკვე პრიორიტეტად გახადეს ეროვნული ბანკის რეზერვების შევსება და არა, ლარის გაუფასურების გამოსწორებაზე ზრუნვა. რა თქმა უნდა, რეზერვების შევსება საჭიროა, მაგრამ ამ შემთხვევაში ნაკლებად პრიორიტეტული, რადგან ამ მოკლევადიან პერიოდს ლარის გაუფასეურება მომენტალურად მოსდევს.

პარალელურად პრობლემები ექნება ბიზნეს, ფასების ზრდა და ასე შემდეგ. ეს აქვს მთავრობას პრიორიტეტად არჩეული მიუხედავად იმისა, რომ ისინი არ ეწევიან დოლარის შესყიდვას ეს ტენდენცია მაინც გრძელდებოდა, როგორც კი რაიმე პრობლემა იწყება მხოლოდ, მაშინ იწყებენ ფაციფუცს ამიტომ მარტო ამას ვერ დავაბრალებთ ეროვნული ბანკის რეზერვებს, როგორც ჩანს პრობლემაა ინვესტიციაში და უცხოური ინვესტიციების შემოსვლის მონაცემები იყო გაბერილი და გაზვიადებული. ჩვენ დავინახეთ, რომ ინვესტიციები პირიქით შემცირებულია რასაც ვნახავთ შემდეგ სტატისტიკებში. სავალალო სურათია ტურისტების შემოდინების მხრივ, ბოლო პერიოდში ვიზიტორების რაოდენობა არ არის იმ ზომის რაც იყო წინა წლებში, ძალიან დაბალი ტემპია და როგორც ჩანს ესეც არის ამის მთავარი მიზეზი" - განცხადა რომან გოცირიძემ.