დედაქალაქის მერის კახა კალაძის განცხადებით, მალე გაირკვევა საჭიროა თუ არა საერთოდ თბილისში მიკროავტობუსები. მისი თქმით, უახლოეს მომავალში მომზადდება სრული დასკვნა, როგორ გადანაწილდება ქალაქში ტრანსპორტი.

„ძალიან მალე გვეცოდინება, საერთოდ გვჭირდება თუ არა ქალაქში მიკროავტობუსები. გასულ წელს ფრანგულმა კომპანიამ „სისტრა“ დაიწყო კვლევა და ძალიან მალე გვექნება სრული მონახაზი“, – განაცხადა კახა კალაძემ.

დედაქალაქის მერმა, კახა კალაძემ თბილისის მოსახლეობას ახალი, „მანის“ (MAN) მარკის 10-მეტრიანი მუნიციპალური ავტობუსები წარუდგინა.