პარლამენტის თავმჯდომარის მტკიცებით რუსთავი2-ის საქმეზე ახალი სარჩელი პოლიტიკური დავისგან შორსაა და საქართველოში მედია თავისუფალია.

„ტელეკომპანიის წინააღმდეგ არის კერძო დავა, რომელიც წილებს უკავშირდება, როგორც ვიცი. დეტალური ინფორმაცია არც მაქვს. ეს დავა ბუნებრივია გადაწყდება ისე, როგორც ნებისმიერი კერძო დავა უნდა გადაწყდეს. ყაჩაღურად მიითვისა, თავის დროზე, „ნაციონალურმა მოძრაობამ,“ სააკაშვილმა, "რუსთავი2", ისე როგორც "იმედი," საზოგადოებრივი მაუწყებელი და ტელევიზიების ძალიან ფართო სპექტრი - ეს იყო ნათქვამი და ბუნებრივია ეს არის რეალობა, რომელსაც ყველამ უნდა გაუსწოროს თვალი. რაც შეეხება მედიის თავისუფლებას, მას არანაირი საფრთხე არ ემუქრება.“-განაცხადა კობახიძემ.