სუს-ის მიერ გამოქვეყნებულ ჩანაწერს, რომლის მიხედვითაც უწყება ირწმუნება, რომ პანკისის სპეცოპერაციისას მოკლული თემირლან მაჩალიკაშვილის მამა, მალხაზ მაჩალიკაშვილი სუს-ის ყოფილი მაღალჩინოსნის სოსო გოგაშვილის წინააღმდეგ ტერაქტს გეგმავდა, თავად მალხაზ მაჩალიკაშვილი დაგეგმილ პროვოკაციას უწოდებს:

"რაც გამოაცხადეს, მაგაზე ცუდიც მითქვია, მაგრამ ტერორიზმი შუაში არ არის. სუს-ს უნდა ამას რომ დაარქვას ტერორიზმი, ამის პროვოკაცია იყო. რაც ამ ერთ წელიწადში ჩემს მიმართ ამათ სიბინძურე ჩაიდინეს, ამას ახსნა არ აქვს - მუქარა შიში, დაშინების მცდელობები, შესყიდვები, განადგურების მცდელობები. თუ ვარ ასეთი ადამიანი, ჩამისაფრდით, იქ დამაკავეთ ადგილზე, ფაქტზე დამაკავეთ,"- განაცხადა მალხაზ მაჩალიკაშვილმა.