"ამ ქვეყანაში დარჩება ან „რუსთავი2“ და სიტყვის თავისუფლება ან ბიძინა ივანიშვილი და მისი რეჟიმი"

"ამ ქვეყანაში დარჩება ან „რუსთავი2“ და სიტყვის თავისუფლება ან ბიძინა ივანიშვილი და მისი რეჟიმი" - ნიკა გვარამია

პოლიტიკა - 23:10, 07 May, 2019

725

ნიკა გვარამია რუსთავი2-ის წინააღმდეგ დაწყებული მორიგი შეტევის შესახებ გადაცემა „არჩევანში“ საუბრობს და არღშნავს, რომ ეს არის გადამწყვეტი ბრძოლა და ამჯერად რუსთავი2 არის არა თავდაცვის რეჟიმში, არამედ გადადის თავდასხმის რეჟიმზე.

მისი განცახდებით, ამ ქვეყანაში დარჩება ან რუსთავი2 და შესაბამისად, დემოკრატია, სიტყვის თავისუფლება და დასავლური ღირებულებები ან ბიძინა ივანიშვილი და მისი რეჟიმი.

„ხელისუფლება არ უწევს ანგარიშს ყველაზე უფრო მნიშვნელოვანს, საერთაშორისო ჩარევას. ეს ნიშნავს არამხოლოდ უარს, თავი დაანებოს რუსთავის2-ს და დაიცვას დემოკრატიის ელემენტარული წესები, ეს ნიშნავს განაცხადს, რომ ქვეყანა მიდის იზოლაციისკენ. ამიტომ მე ყველას ვურჩევდი, რომ არ გავუწიოთ ანგარიში ჩვენ ყველამ უკვე ხელისუფლებას და ჩემი განაცხადი, რომ ეს არის ბრძოლა, რომელშიც იქნება თავდასხმითი რეჟიმი ნიშნავს იმას, რომ ამ ქვეყანაში დარჩება ან რუსთავი2და შესაბამისად დემოკრატია, სიტყვის თავისუფლება და დასავლური ღირებულებები, ან ბიძინა ივანიშვილი და მისი რეჟიმი. ეს დაპირისპირება, რომელიც ახლა დაიწყო, დამთავრდება ამგვარად,“ - განაცხადა ნიკა გვარამიამ და დასძინა, რომ წინა შემთხვევაში, როდესაც ადგილი ჰქონდა რუსთავი2-ზე შეტევას, არხი გადაარჩინა სტრასბურგმა. ამჯერად კი, ნიკა გვარამიას თქმით, იქნება გადამწყვეტი ბრძოლა.

რუსთავი2-ის გენერალური დირექტორი მოუწოდებს ხელისუფლების წარმომადგენლებს, ნუ დაემორჩილებიან ბიძინა ივანიშვილს.

„ყველას ვურჩევ, რომ ნუ ჩაჰყვებიან ბიძინა ივანიშვილის საფლავში. ეს კაცი მთავრდება, გამოდით და გაანებეთ თავი. აი, პირდაპირ არ დაემორჩილოს მინისტრი, არ დაემორჩილოს რომელიღაც სამსახურის უფროსი. გამოვიდეს და თქვას იმიტომ, რომ ეს კაცი მთავრდება,“ - განაცხადა ნიკა გვარამიამ.