„თუ სიტყვის თავისუფლებას რაიმე საფრთხე დაემუქრება გამოყენებული იქნება კანონიერი რესურსი“

„თუ სიტყვის თავისუფლებას რაიმე საფრთხე დაემუქრება გამოყენებული იქნება კანონიერი რესურსი“ - პრეზიდენტი „რუსთავი 2“-ის საქმეზე

პოლიტიკა - 14:18, 07 May, 2019

1051

მორიგი შეტევა ტელეკომპანია „რუსთავი 2“-ზე - პრეზიდენტის პრესსპიკეტი არსებულ ვიტარებას გამოეხმაურა და განაცხადა, რომ მთავარია სიტყვის თავისუფლება იყოს დაცული და ამისათვის ყველა კანონიერი რესურსი იქნება გამოყენებული:

„საქართველოს პრეზიდენტის განცხადებით სიტყვის თავისუფლება დაცულია და გარანტირებულია. კონსტიტუციით შესაბამისად გამოყენებული იქნება ყველა კანონისმიერი რესურსი იმისათვის, რომ ქვეყანაში სიტყვის თავისუფლება იყოს დაცული. კონსტიტუციით არის გარანტირებული სიტყვის თავისუფლება. თუ სიტყვის თავისუფლებას რაიმე საფრთხე დაემუქრება აუცილებლად გამოყენებული იქნება კანონიერი რესურსი,“ - განაცხადა ხატია მოისწრაფიშვილმა.

სამაუწყებლო კომპანიის 9%-ის მფლობელი ნინო ნიჟარაძე დაგროვილი გადასახადების სახით კომპენსაციას ითხოვს. საუბარია ჯამში, დაახლოებით, 26 მილიონ ლარზე. ნინო ნიჟარაძე არხის ყოფილი დირექტორის, გოგი გეგეშიძის მეუღლეა და მისი გარდაცვალების შემდეგ მიიღო კომპანიის წილი.