ვითარება დავით გარეჯში - საპატრიარქოში აზერბაიჯანის ელჩთან შეხვედრა გაიმართა. ამის შესახებ ინფორმაცია სოციალურ ქსელში დეკანოზმა ანდრია ჯაღმაიძემ გაავრცელა:

„საპატრიარქო გარეჯის მონასტერთან დაკავშირებული პრობლემების მოგვარებაში ინტენსიურად იქნება ჩართული. 4 და 5 მაისს საპატრიარქოში შედგა შეხვედრა აზერბაიჯანის ელჩთ დურსუნ ჰასანოვთან და სრულიად კავკასიის მუსლიმთა სამმართველოს ხელმძღვანელის, ფაშა ზადეს წარმომადგენელ ალი ალიევთან. საკითხი ეხებოდა დავით გარეჯთან დაკავშირებულ ვნებათაღელვას. საუბარში ხაზგასმით ითქვა, რომ ორ ქვეყანას შორის მეგობრულ ურთიერთობას ესაჭიროება მოფრთხილება და დაუშვებელია დაძაბულობის გაღვივება, რომ გარეჯის სამონასტრო კომპლექსი უმნიშვნელოვანესი ქართული სიწმინდეა და შექმნილი პრობლემების გადაწყვეტა უნდა მოხდეს სასწრაფოდ“, – აღნიშნულია ანდრია ჯაღმაიძის მიერ სოციალურ ქსელ „ფეისბუქში“ გავრცელებულ ინფორმაციაში.