„ერთიანი ნაციონალური მოღძაობა“ საქართველოს ეროვნულ ბანკს „ლიბერთი ბანკის“ გენერალური დირექტორის, გიორგი კალანდარიშვილი საქმის შესწავლის მოთხოვნით მიმართავს. აღსანიშნავია, რომკალანდარიშვილი „ტვ იმედშიც“ იკავებს ერთ-ერთ მაღალ თანამდებობას. ენმ სებ-ისგან მოითხოვს არის თუ არა გამოკვეთილი ინტერესთა კონფლიქტი.

„მაია სტეფნაძის განცხადებიდან გამომდინარე, ჩვენთვის ცნობილი გახდა, რომ იგი უშუალოდ გაათავისუფლა გიორგი კალანდარიშვილმა, რომელიც ამავდროულად არის „ლიბერთი ბანკის“ გენერალური დირექტორი. ჩემის აზრით აქ გვაქვს ინტერესთა კონფლიქტი, გვაქვს შეუთავსებლობა ამ ორი საქმიანობის და შესაბამისად ახლა ამის დადასტურება გვინდა, თუ როგორ დაინახავს ეროვნული ბანკი,“-განაცხადა მამუკა ჩიქოვანმა.

კალანდარიშვილის საქმით „ნაციონალური მოძრაობა“ მას შემდეგ დაინტერესდა, რაც ტელეკომპანია “იმედიდან“ პროდიუსერი, მაია სტეფნაძე გაათავისუფლეს. სტეფნაძის მტკიცებით, ის სამსახურიდან “იმედის“ ერთ-ერთმა ხელმძღვანელმა, გიორგი კალანდარიშვილმა გაუშვა.