მორიგი სარჩელი ტელეკომპანია „რუსთავი 2“-ის წინააღმდეგ და ხელისუფლების კვალი - საკითხი ატლანტიკურ საბჭოში შეაფასეს.

ევრაზიის ცენტრის დირექტორმა ჯონ ჰერბსტმა, საქართველოში სიტყვისა და მედიის თავისუფლების მნიშვნელობაზე გაამახვილა ყურადღება და განაცხადა, რომ “რუსთავი 2“-ის ხელში ჩაგდების ერთიან ძალისხმევას შესაძლოა კვლავ მოჰყვეს შეერთებული შტატების და დასავლეთის სხვა მთავრობების მტკიცე წინააღმდეგობა.

“სიტყვის და მედიის თავისუფლება საქართველოში, ისევე როგორც ყველა ქვეყანაში, ძალიან მნიშვნელოვანია. შეერთებული შტატების მთავრობა და სხვები, მათ შორის ატლანტიკური საბჭოს წარმომადგენლები, წარსულშიც საუბრობდნენ საქართველოს მთავრობასთან ასოცირებული ძალების მცდელობაზე დაემყარებინათ კონტროლი “რუსთავი 2”-ზე. თუ ასე გაგრძელდება, ეს პრობლემებს გამოიწვევს. როგორც მახსოვს, 1 თუ 2 წლის წინ, როდესაც მთავრობის მიერ “რუსთავი 2”-ის ხელში ჩაგდების ორგანიზებული მცდელობა მიმდინარეობდა, შეერთებული შტატების და დასავლეთის სხვა ქვეყნების მთავრობები ამის წინააღმდეგ მტკიცედ გამოვიდნენ. ვფიქრობ, შესაძლოა მსგავსი რეაქცია კიდევ ერთხელ ვიხილოთ,”-განაცხადა ატლანტიკური საბჭოს ევრაზიის ცენტრის დირექტორმა ჯონ ჰერბსტიმ.