"ერთიანი ნაციონალური მოძრაობის" ლიდერებმა ხულოში ადგილობრივ მოსახლეობასთან ერთად 15 წლის წინანდელი მოვლენები გაიხსენეს.

ადგილობრივებს საქართველოს მესამე პრეზიდენტმა მიხეილ სააკაშვილმა მიმართა,რომელმაც განაცხადა, რომ დღევანდელი დღე საქართველოს ისტორიაში ერტ-ერთი დიდი მონაპოვარია.

„თითოეული თქვენგანის სახელი და გვარი ჩაიწერება საქართველოს ისტორიაში. ჩვენ ის კი არა გვაქვს მარტო, რომ 5 და 10 საუკუნის წინ რაც იყო. 2004 წელს რაც თქვენ გააკეთეთ ეს არის ერთ-ერთი ყველაზე დიდი მონაპოვარი საქართველოს მრავალსაუკუნოვან ისტორიაში. მინდა დღევანდელი დღე კიდევ ერთხელ მოგილოცოთ, მოგილოცოთ გიორგობა, მოგილოცოთ აჭარის რევოლუციის დღე. ძალიან მიყვარხართ ყველანი და სულ მალე შეხვედრას ბათუმში, ბორჯომში, ხულოში, ქედაში, ხელვაჩაურში, შუახევში, ქობულეთში და მთლიანად საქართველოში" - აღნიშნა საქართველოს მესამე პრეზიდენტმა.