ოპოზიცია „როსნეფტის“ მიერ ქართულ ბაზარზე პოზიციების გამყარების მცდელობას, ჰიბრიდული ომის გაგრძელებად და საქართველოს ენერგო ოკუპაციის მცდელობად აფასებს, რომან გოცირიძის თქმით კომპანია, რომელიც პირდაპირ არღვევს, კანონს ოკუპირებული ტერიტორიების შესახებ შესაძლოა საწვავის ბაზრის მონოპოლისტი გახდეს, რაც ქვეყანას რუსეთის ხელში ჩააგდებს. დეპუტატი შემქნილ ვითარებაში მთავრობას ადანაშაულებს და აცხადებს, რომ ხელისუფლებამ თავის დროზე არ მოახდინა სათანადო რეაგირება.

„შექმნილ ვითარებაში პირდაპირ არის დამნაშავე მთავრობა. ეს დაიწყო ჯერ კიდევ ამ რამდენიმე წლის წინ, როდესაც მათ არ მოახდინეს რეაგირება იმასთან დაკავშირებით, როდესაც „როსნეფტმა“ იყიდა ფოთის ტერმინალი და როდესაც იყო პირდაპირი დარღვევა კანონისა ოკუპირებული ტერიტორიების შესახებ. კანონის დამრღვევი ფირმა საქართველოში უფრო და უფრო იკიდებს ფეხს, უკვე აგერ შემოვიდა ნავთობის ბიზნესში, არის გალფის მფლობელი და რეალურად ხდება მონოპოლისტი ამ ბაზარზე. მთავარი პრობლემა აქ არის იმაში, რომ ვერ უნდა ბედავდეს საქართველოს კანონის დარღვევას მსგავსი ფირმები. როდესაც ეპატიება ერთს, ხვალ უკვე იმავეს გააკეთებს გაზპრომი. შეიძლება გავიღვიძოთ ერთ მშვენიერ დღეს და როგორც სომხეთი, ასევე საქართველო, მთლიანად აღმოჩნდეს რუსული კომპანიების ხელში,“ - განაცხადა რომან გოცირიძემ.