„მეტროში ხან ჭერი ეცემათ ადამიანებს, ხან ვაგონს მატორი უვარდება“ -ენმ ვაგონშემკეთებელი ქარხნის დირექტორის და თბილისის მერის კორუფციულ გარიგებაზე საუბრობს

პოლიტიკა - 10:54, 06 May, 2019

999

თბილისის საკრებულოს ოპოზიცია ვაგონშემკეთებელი ქარხნის დირექტორსა და თბილისის მერს შორის შესაძლო კორუფციულ გარიგებაზე საუბრობს და მათ ბიუჯეტიდან თანხების მითვისების მცდელობაში ადანაშაულებს. ენმ-ს წევრის, ლევან ხაბეიშვილის განცხადებით, მეტროში სამუშაოები არაეფექტურად ტარდება და ამასათან ვაგონშემკეთებელი ქარხანა მატარებლების რეაბილიტაციისთვის დაახლოებით სამჯერ მეტ თანხას ითხოვს, ვიდრე რეალურად არის საჭირო. ენმ საკრებულოს სხდომაზე სატრანსპორტო საქალაქო სამსახურის ხელმძღვანელის მისვლას და კითხვებზე პასუხს ითხოვს:

„მილიონ ლარზე აქვს ხელშეკრულება ვაგონშემკეთებელ ქარხანას და აქედან ამბობს, რომ 254 ათასი ლარი, ფაქტობრივად მეოთხედი შეიძლება ჰქონდეს გაუთვალისწინებელი ხარჯი. ანუ არ იციან რაში დახარჯავენ. ჩვენ ვფიქრობ, რომ ეს არის სუფთა კორუფციული გარიგება და ნაცვლად იმისა, რომ მეტროში რეალური გარიგება მიმდინარეობდეს, კალაძე-ძიძიკაშვილი, ვგულისხმობ ვაგონშემკეთებელი ქარხნის დირექტორს, ცდილობენ ბიუჯეტიდან რაც შეიძლება მეტი თანხა წაიღონ და ამიტომ არის, რომ მეტროში ხან ჭერი ეცემათ ადამიანებს, ხან ვაგონს მატორი უვარდება.“- განაცხადა ლევან ხაბეიშვილმა.