ბათუმში, გამსახურდიას ქუჩაზე 22 წლის ახალგაზრდა დაჭრეს. თვითმხილველთა თქმით, სახლში მყოფ ახალგაზრდას ქუჩიდან დაუძახეს, აივანზე გამოსულს კი ცეცხლი გაუხსნეს და დაჭრეს.

შემთხვევა გვიან ღამით მოხდა. დაჭრილი ბათუმის საავადმყოფოში უგონო მდგომარეობაში მიიყვანეს და სასწრაფო ოპერაცია ჩაუტარეს. მას ერთი ტყვია აქვს მოხვედრილი და ისევ მძიმე მდგომარეობაშია.

პირი, რომელმაც ცეცხლი გახსნა, პოლიციელებმა შემთხვევის ადგილიდან რამდენიმე ათეულ მეტრში, იარაღით ხელში დააკავეს. თავდასხმაში ეჭვმიტანილი 1987 წელსაა დაბადებული.