„გაასაჯაროვონ... გპირდებით, დასჯილი იქნება ადამიანი, ვინც ვინმეს რამეზე აიძულებს“ - ჩიქოვანი ოპოზიციის განცხადებას სიცრუეს უწოდებს (ვიდეო)

პოლიტიკა - 17:55, 04 May, 2019

1571

ზუგდიდში ჩამოსულმა “ნაციონალური მოძრაობის” პოლიტიკოსებმა იცრუეს - ასე ეხმაურება ზუგდიდში „ქართული ოცნების“ მერობის კანდიდატის გეგა შენგელიას საარჩევნო შტაბის ხელმძღვანელი, გაერთიანებული ოპოზიციის განცხადებას იმის შესახებ, რომ ხელისუფლება ფულის გადახდის სანაცვლოდ ცდილობს ოპოზიციის მხარდამჭერების მოსყიდვას და ფეიქნიუსების შექმნას.

ირაკლი ჩიქოვანის თქმით, ოპოზიცია ცდილობს ზუგდიდში პოლიტიკური ეპიცენტრის შექმნას, რომელიც მისი თქმით, არაფერზე იქნება დამყარებული.

რაც შეეხება ედემი თოდუას განცხადებას, რომ ოპოზიციის წინააღმდეგ გაკეთებული განცხადებისთვის მას 1000 ლარი შესთავაზეს, საიდანაც 600 უკვე გადახდილია, ხოლო 400 ლარი მოგვიანებით უნდა მიეცათ, ჩიქოვანი ამბობს, რომ აღნიშნული ინფორმაცია უსაფუძვლოა.

„თუ ბატონ ედემს ან ნებისმიერ ადამიანს, ლევან ბეჟაშვილით დაწყებული აქ ჩამოსული სხვა პოლიტიკოსებით დამთავრებული, აქვთ ასეთი ინფორმაცია, შუეძლიათ გაასაჯაროვონ და მე გპირდებით, რომ ადამიანი, რომელიც ვინმეს რამეზე აიძულებს, იქნება დასჯილი. ჩვენი მხრიდან ასეთ ფაქტს ადგილი არ ჰქონია“ - განაცხადა ირაკლი ჩიქოვანმა.