ზუგდიდში, ოპოზიციის წინააღმდეგ აგორებული შავი პიარი ფულის სანაცვლოდ - ლევან ბეჟაშვილმა ედემი თოდუასთან გარიგების ფაქტებზე ისაუბრა

პოლიტიკა - 16:19, 04 May, 2019

1069

რამდენიმე დღის წინ ტელეკომპანია „იმედის“ ეთერში გავიდა სიუჟეტი, სადაც საუბარი იყო იმის შესახებ, რომ გაერთიანებული ოპოზიცია „ძალა ერთობაშია“ რიგები 30-მდე წევრმა დატოვა. ამის მიზეზად, ტელეკომპანია წინასაარჩევნოდ დაპირებული თანხის არმიცემას ასახელებდა.

გასულ სიუჟეტს გამოხმაურება მოჰვა ოპოზიციის მხრიდან. მურთაზ ზოდელავამ განაცხადა, რომ „ქართული ოცნება“ ფეიქნიუსებს ოპოზიციის მიმართ შავი პიარისთვის იყენებს, ხოლო გავრცელებული ინფორმაცია სიმართლეს არ შეესაბამება.

დღეს, გაერთიანებული ოპოზიციის საარჩევნო შტაბში საგანგებო ბრიფინგი გაიმართა. ოპოზიციის ერთ-ერთმა ლიდერმა ლევან ბეჟაშვილმა განაცხადა, რომ ედემი თოდუა მოტყუებით იყო ჩართული ოპოზიციის წინააღმდეგ კამპანიაში და მას გარკვეული დაპირებების სანაცვლოდ აიძულეს, ოპოზიციის წინააღმდეგ კომენტარი მიეცა.

„ადამიანი რომელიც მოტყუებით იყო ჩართული ოპოზიციის წინააღმდეგ ბინძურ კამპანიაში, გახლავთ ედემი თოდუა, ის მოვიდა თავისი მოქალაქეობრივი პოზიციის გამოსახატად თუ როგორ გამოიყენეს გარკვეულმა ძალბემა ამ ადამიანის მდგომარეობა ბინძური ფეიქნიუსების წარმოებაში.

გოგა ზუხბაია, რომელიც ალბათ, ასევე სპეცსამსახურის წეზოლით ან სხვა ხერხებით გამოიყენეს ჩვენს წინააღმდეგ, დაუკავშირდა ედემ თოდუას და გარკვეული გარიგების საფუძველზე სთხოვეს განცხადებები გაეკეთებინათ ოპოზიციის შტაბის წინააღმდეგ. ასეთი ფაქტები ძირს უთხრის მთელ საარჩევნო პროცესებს და ხელისუფლება ნაცვლად იმისა, რომ ჩართული იყოს საარჩევნო კამპანიაში, ჩართულია ფეიქნიუსებით საზოგადოების მოტყუებაში. თითოეული ასეთი ფაქტი იქნება გამომჟღავნებული, ჩვენ გვაქვს ინფორმაციები, მოდიან ადამიანები და გვაწვდიან ინფორმაციას ასეთ ფაქტზებზე, რომელიც მიმდინარეობს დღეს მოსყიდვებზე, მათ შორის გადმოწერბზე ზუგდიდის საარჩევნო ოლქში და ამ ფაქტებს აქვს ერთადერთი მიზანი, რომ გამოყენებული იქნეს ყველა საშუალება, ამ ადამიანებს ზეწოლით მიაცემინონ ხმა ქართლ ოცნებაზე. 5000 ადამიანი დააკვირდება არჩევნებს და თითოეულ ფაქტზე მოხდება რეაგირება. ჩვენ გავაკეთებთ ყველაფერს რომ ამომრჩევლის ხმა იქნას დაცული“ - განაცხადა ლევან ბეჟაშვილმა.