ვახტანგ გომელაურის პარლამენტში გუშინდელ მოხსენებით გამოსვლას "ევროპული საქართველოს" ერთ-ერთი ლიდერი გიგა ბოკერია აკრიტიკებს.

ბოკერიას თქმით, სუს-ის უფროსისგან მთავარ კითხვაზე პასუხი ოპოზიციამ ვერ მიიღო.

„ჩვენ ვერ მივიღეთ მთავარ კითხვაზე პასუხი, რატომ იხარჯება ჩვენი ქვეყნის, ჩვენი რესურსები არალეგიტიმურ ამოცანებზე, პოლიტიკურ პარტიებზე თვალთვალზე წინასაარჩევნო პერიოდში, რომელიც არანაირ საფრთხეს არ წარმოადგენს ქვეყნისთვის იმის მაგივრად, რომ მთელი ფოკუსი იყოს ჩრდილოელი მეზობლის მტრულ ქმედებებზე, ან ექსტრემიზმსა და ტერორიზმზე, რაც პანკისში მოქმედ ძალებზე, ქვეყნის გარედან ვინც მოქმედებებს. ამ კითხვებზე პასუხი არ გვაქვს ისევე, როგორც ჩვენ არ გვაქვს პასუხი იმაზე, რატომ ვერ ვხედავთ შედეგებს მთავრობის საქმიანობისა, გამიჯვნის თვალსაზრისით იმ ძალებთან, რომლებიც პირდაპირ თვითონ სუს-ის ხელმძღვანელის საჯარო მოხსენებაში ნათქვამია, ძირს უთხრიან ჩვენი ქვეყნის სუვერენიტეტის გარშემო კონსესუს" - აღნიშნა ბოკერიამ.