სახელმწიფო უსაფრთხოების სამსახურის უფროსის ვახტანგ გომელაურის პარლამენტში მოხსენებით გამოსვლას "ერთიანი ნაციონალური მოძრაობის" წევრი თინა ბოკუჩავა აფასებს.

მისი თქმით, სუს-ი ნაკლებ რესურსს რომ ხარჯავდეს პოლიტიკური ოპონენტების დევნაზე, შესაძლებელი იქნებოდა სერიოზული საფრთხის თავიდან აცილება.

„სუს-ი ნაკლებ დროს რომ ხარჯავდეს ოპოზიციაზე დევნაზე, რა თქმა უნდა, შესაძლებელი იქნებოდა ძალიან ბევრი სერიოზული საფრთხის აცილება, მათ შორის, იმ ანალიტიკური სამუშაოს უკეთ ჩატარებას, რომელიც, როგორც გახარია აცხადებდა, ვერ ჩატარდა და შესაბამისად, პანკისში ძალიან მძიმე შედეგამდე მიგვიყვანა, მათ შორის, შესაძლებელია, ჩატაევის საქართველოში შემოსვლა აგვერიდებინა თავიდან, რომლის ლიკვიდაციის სპეცოპერაციაში სპეცრაზმელი დაიღუპა" - აღნიშნა ბოკუჩავამ.