„რატომ დგას“, ან „იქ დგას და მიყურებს მანქანიდან“... სუს-ის თანამშრომელს ამის უფლება აქვს, უნდა მანქანით იდგება, უნდა ცხენით..."

„რატომ დგას“, ან „იქ დგას და მიყურებს მანქანიდან“... სუს-ის თანამშრომელს ამის უფლება აქვს, უნდა მანქანით იდგება, უნდა ცხენით..." - ვახტანგ გომელაური

პოლიტიკა - 20:16, 03 May, 2019

1771

საქართველოს სახელმწიფო უსაფრთხოების სამსახურის ხელმძღვანელმა სუს-ის მხრიდან ხელისუფლების ოპონენტების თვალთვალთან დაკავშირებით ბრალებებს უპასუხა. ვახტანგ გომელაურის თქმით, ამა თუ იმ ღონისძიებაზე დასწრება უსაფრთხოების თანამშრომლების საქმეა, რომ გარკვეული საფრთხები იქნეს არიდებული:

„არავის არ ეკრძალება, არც პოლიციელს და არც უსაფრთხოების თანამშრომელს, რომ ამა თუ იმ ღონისძიებას დაესწროს, რა თქმა უნდა ხელი არ უნდა შეუშალოს, არ უნდა დაემუქროს და წინაღმდეგ ქმედებები არ უნდა ჩაიდინოს იმათ მიმართ, ვინც ატარებს შეკრებას, ღონისძიებას თუ მიტინგს. ის რომ „რატომ დგას“, ან „იქ დგას და მიყურებს მანქანიდან“, ამის უფლება აქვს, ის უნდა მანქანით იდგება, უნდა მოტოციკლეტით, უნდა ფეხით და უნდა ცხენით მივა. კიო, გეთანხმებით რომ კანონით არ იკრძალებაო. თუ ხელს შეუშლის ან მოუწოდებს, ან ქვებს ესვრის, როგორც სხვა შემთხვევებში მოხდა სამწუხაროდ, ეს, რა თქმა უნდა დანაშაულია, მაგრამ ვთქვათ უყურებს ადამიანს, უთვალთვალებს თუ აკვირდება, რომ რამე არ მოხდეს, ინფორმაციას გადასცემს დანაყოფს თუ პოლიციას, რომ იქ მოვიდა მეორე ჯგუფი, რომელმაც შეიძლება ამათ ქვები ესროლონ, მნიშვნელობა არ აქვს ქართული ოცნება იქნება, ნაციონალური მოძრაობა თუ ევროპული საქართველო, ეს ინფორმაცია უნდა მიაწოდოს და მისი საქმეა ეს.“- განაცხადა გომელაურმა