დეპუტატმა ნუკრი ქანთარიამ, რომლის ინიციატივაც - განათლების შესახებ კანონიდან ტერმინ ლიბერალურის ამოღება, დღეს პარლამენტმა ჩააგდო, ტვ პირველის ეთერში აღნიშნული ცვლილებების შესახებ ისაუბრა. დეპუტატისა და ტელეწამყვანის საუბარი ლიბერალიზმთან დაკავშირებით კამათში გადაიზარდა.

„ბატონი ნუკრი კაბინეტში გაქვთ ილია ჭავჭავაძის სურათი ან ილია მართლის ხატი?“- მიმართა ჟურნალისტმა თამარ ჩიხლაძემ ნუკრი ქანთარიას.

ნუკრი ქანთარია- „აი ახლა თქვენც შედიხართ ამ ხაფანგში... ილია ჭავჭავაძეც შემდეგ ცდილობდა ეროვნულ-დემოკრატიული პარტიის ჩამოყალიბებას.“

თამარ ჩიხლაძე - „ილია ჭავჭავაძეს შეეშინდებოდა ამ სიტყვის კანონში ჩაწერის და ბავშვების ლიბერალურ-დემოკრატიულ ღირებულებებზე აღზრდის?“

ნუკრი ქანთარია - „არავითარი შიში არ არის, ილია ჭავჭავაძეს კითხეთ, თეფში დაატრიალეთ და თავად კითხეთ.“

თამარ ჩიხლაძე - „ჩვენ დასკვნების გამოტანა მისი ნაშრომებიდან შეგვიძლია... არ არის საჭირო თეფში და სულის გამოძახება“