გაერთიანებული ოპოზიციის "ძალა ერთობაშიას" ერთ-ერთმა ლიდერმა მურთაზ ზოდელავამ თითქოს სამეგრელოს ორგანიზაციის 30-მა წევრმა პარტია დატოვა საგანეგებო ბრიფინგით გამოეხმაურა.

ზოდელავას თქმით, პარტიის რიგები არავის დაუტოვებია და მეტიც დასახელებული ორი პირი "ძალა ერთობაშიას" წევრი საერთოდ არ ყოფილა.

„ერთადერთი ინტერესი ხელისუფლების და უშიშროების ამ პროცესებში არის, რომ რაღაც თვალსაზრისით გამოიყენოს შავი პიარისთვის ეს ფეიქნიუსები. და ამას უკავშირდება მათშორის და პირველ რიგში ე.წ. თითქოს ჩვენი კოორდინატორებთან ურთიერთობა. თითქოს კოორდინატორების ნაწილმა დატოვა პარტიის ლიდერები. ჯერ ერთი ამ 30 ადამიანიდან რომელზეც ხელისუფლება საუბრობს, რეალურად არის დაფიქსირებული ორად ორი ადამიანი. და ეს ადამიანები არ არიან ჩვენი პარტიის წევრები. როდის ყოფილა, რომელ არჩევნებზე „ქართული ოცნების“ ხელისუფლებაში ყოფნის დროს, რომ როდესმე ხელისუფლებას ანაღვლებდა ჩვენ მოვახერხებდით თუ არა რესურსის მობილიზებას. ან რომელიმე სოფელში ოფისის დაქირავებას. მივმართავ საერთაშორისო ორგანიზაციებსაც. დაინტერესდით იმით თუ როგორ და რა ვითარებაში გადაიქცა სუს-ის შენობა, „ქართული ოცნების“ შტაბად. როგორ და რა ვითარებაში გადაიქცა გუბერნიის შენობა და ყველა ადმინისტრაციული შენობა, რომელიც აქ არის და რომელიც უნდა ემსახურებოდეს ჩვეულებრივი ადამიანების პრობლემების მოგვარებას როგორ გადაიქცა ქართული ოცნების შტაბებად. ჩვეულებრივი ზონდერთა ჯგუფების შესაკრებ ადგილებად" - აღნიშნა მურთაზ ზოდელავამ.