საქართველომ რუსეთისგან ბუნებრივი აირი შეისყიდა - 2020 წლის ბოლომდე „გაზპრომთან“ დადებული ახალი ხელშეკრულება, რომლის დეტალები უცნობია

პოლიტიკა - 18:50, 02 May, 2019

1216

РИА НОВОСТИ-ს მიერ გავრცელებული ინფორმაციით, საქართველომ რუსეთისგან 6 მილიონი კუბომეტრი ბუნებრივი აირი შეისყიდა. სააგენტო რუსეთის ეკონომიკის სამინისტროს მიერ გავრცელებულ მონაცემებს ეყრდნობა, რომელიც 2019 წლის ბუნებრივი აირის ბალანსია ასახული.

მედიასაშუალება წერს, რომ 2017 წლამდე საქართველო სომხეთში გაზის ტრანზიტის საფასურს ნატურალური სახით იღებდა - გატარებული აირის 10%-ს. 2017 წელს ეს საფასური ნაწილობრივ აირით და ნაწილობრივ ფულადი სახით ანაზღაურდებოდა, ხოლო 2018-ში მხოლოდ ფულადი სახით.

РИА НОВОСТИ-ს ინფორმაციით, ახალი ხელშეკრულება, რომლის დეტალებიც ჯერჯერობით უცნობია, 2020 წლის ბოლომდე იმოქმდებს.

სტატიაში ასევე ნათქვამია, რომ ამა წლის იანვარ-მარტში საქართველოს რუსეთისგან გაზი არ უყიდია, რაც ზემოღნიშნულ ბალანშიცაა მოცემული.

სააგენტოს მოჰყავს რამდენიმე ხნით ადრე საქართველოს პრემიერის მამუკა ბახტაძის სიტყვები, რომ ქვეყანა კვლავ გააგრძლებს სატრანზიტო მიწოდებას სომხეთისთვის. ასევე, ექს-მინისტრ გიორგი ქობულიას აპრილში გაკეთებული განცხადება, რომ საქართველო შეუთანხმდა "Газпром"-ს, რომ მისგან მცირე მოცულობით ბუნებრივ აირს იყიდის.