საქართველოს შინაგან საქმეთა მინისტრი გიორგი გახარია პარლამენტში „მინისტრის საათის“ ფარგლებში იმყოფება, მან დეპუტატების კითხვებზე პასუხის შემდეგ კანონმდებლების დაზუსტებებს მოუსმინა.

„ნაციონალური მოძრაობის“ დეპუტატის ნიკა მელიას განცხადებით, გიორგი გახარიას შემდგომი ხელისუფლების პირობებში გამოსავლად მხოლოდ საპროცესო გარიგება დარჩება:

„ალბათ ატყობთ, რომ მოსვლიდან მოსვლამდე მეტი კითხვები გროვდება თქვენს მიმართ, როგორც შინაგან საქმეთა მინისტრის მიმართ და სულ უფროდაუფრო ნაკლები პასუხები გაქვთ, როდესაც იმას ახერხებთ და ამბობთ, რომ კიდევ კერზაია? პრაქტიკულად ჩვენ თქვენ გვითხარით, კარგით რა, რა დამღალეთ ამ საქმით? ამას როგორ ახერხებთ? მორალური კატეგორიებით საუბრობდით და თქვით, რომ ამის უფლება გაქვთ, მე ვფიქრობ, რომ ამის უფლება არ გაქვთ. ძალიან დამთგუნველი იყო ტქვენი მოსმენა, როგორც შინაგან საქმეთა მინისტრის, არც ერთ კითხვაზე პასუხი არ გაეცით და თქვენ არაფერი გეშველებათ, გარდა ერთისა, საპროცესო გარიგებისა მომავალი ხელისუფლების პირობებში. ადამიანი, რომელიც საუბრობს, კიდევ კერზაია? კიდევ მაჩალიკაშვილი? კიდევ სარალიძე? რა დამღალეთ გეგეშიძეებით, დამღალეთ აბაზოვებით, კაჭრეთში მკვლელობა თურმე არაფერია თქვენთვის, ნახევარ სოფელს მოუყვა ადამიანმა, რომ თავის არეში ურტყა თქვენმა პოლიციამ და დაიღუპა, გამოდიხართ, აბსოლუტურად არაქათგამოცლილი, დაღლილი შინაგან საქმეთა მინისტრი, ამ პრობლემბით...“, - თამარ ჩუგოშვილმა ნიკა მელიას მეორედ დრო არ დაუმატა სიტყვის დასამთავრებლად, ამიტომ მელიამ მიმართვის დასრულება ვერ შეძლო.

„მე ირაკლი არ ვარ, არავისთვის ერთ 30 წამზე მეტი არ დამიმატებია“ - მიმართა ჩუგოშვილმა მელიას.